حصريات محمد منير ...

سلام عليكم

الموضوع ده عبارة عن رصد لحصريات منير الموسيقية ,. و فى الأفكار برضو و فى شتى المجالات .... طبعاً أعضاء كتير عارفين الكلام اللى حقولوا هنا
بس أنا عامل الموضوع عشان اللى مش عارفينه و عشان الزائرين أيضاً ممكن يعرفوا منه حاجات منير سبق فيه غيره و حاحات تفرد بيها .. باختصار ... و اللى حابب يقرأ أكتر عن الحصريات ا .

ملحوظة :
- الحاجات الى حقولها مش ضرورى تكون 100 % صح .. عشان كده من الأول هوضح ان كلامى ده بناءاً على شرائط الكاسيت و السوق التجارى المصرى.. لأن فى فرق مغمورة ممكن تكون مثلاً سبقت منير فى ده .. و فى برضو موسيقى أفلام فى السبعينات كانت غربية بحته .. لكن منير خلط المزيكا دى بالشرقى و النوبى .
- أى عضو شايف حاجات زيادة يتفضل يقولها .. عايزين الموضوع يبقى زى فهرس لأى زائر و أى عضو جديد .


- منير أول مطرب يدخل الإلكتريك مع المقسوم و يلعب بيه جملة موسيقية مش كوردات بس . و ده فى أغنية الليلة يا سمرة

- منير أول مطرب مصرى يدخل الراب فى أغنية سيا سيا .. بمقطع راب إيقاعى صغير نوبى و أيضاً اخر كوبليه فى أغنية افتح قلبك أسلوبه يميل للراب ,

- منير أول مطرب يقوم بتنفيذ موسيقى عالمية world music , فى ألبوم وسط الدايرة

- أول مطرب يحتك بالغرب موسيقياً بأسلوب مباشر من خلال سفره لألمانيا فى 86 و غناءه مع فرق موسيقية هناك .

- منير أول مطرب مصرى يستخدم صوت الdistortion فى الالكتريك جيتار . فى ألبوم وسط الدايرة ( الناس نامت)

- منير أول من قدم صولو باص جيتار وبيركشنز فى أغنية ( نلضم اسامينا ) بألبوم اتكلمى عام 83

- منير أول مطرب مصرى يقدم موسيقى جاز و فانك فى ألبوم شبابيك فى أغنية كريشندو ( قد و قد ) و بها صولوهات درامز أول من قدمها من تنفيذ فرقة يحيى خليل و أعتقد انه الوحيد حتى الأن , لأنه الوحيد تقريباً الى قدم هذا النوع من موسيقى الجاز و الفاننك و ننتظره منه نسخة 2008 فى غنية مش محتاج أتوب و هى أيضاً لونها funk music بس بروح 2008 و فكر أسامة الهندى

- منير أول مطرب مصرى يقدم أغنية برتم (tempo) سريع .. فى أغنية حكمة الأقدار بألبوم وسط الدايرة و ذلك فى عام 87 .. و بها أسرع صولوهات ملعوبة باحتراف , و هى صولوهات ألات النفخ والالكتريك و هى صولوهات فى غضون ثانية و ثانيتين بتمبو عالى .. و فى أغنية غير معالمها

- منير أول مطرب مصرى يسمعنا فى اغنية واحدة عود و الاكتربك و دف بصولوهات فى أغنية الناس نامت بألبوم وسط الدايرة

- منير أول مطرب مصرى يعيد توزيع أغانيه فى ألبوم مشوار عام 92

- منير أول مطرب يقدم قالب موسيقى روك بأغانى جننى طول البعاد , هيه مخلوطين برتم نوبى , و أخرج موسيقى جديدة

-منير أول مطرب يقدم موسيقى الريجيه فى أغنية شتا بألبوم ممكن و أغنية يا بنت ياللى من نفس الألبوم أيضاً .

- منير أول مطرب يقدم ألبوم كامل من 10 أغانى مدتها تتراوح من 3 دقائق ل6 دقائق بأرتام سريعة

- منير أول مطرب يشارك فى افتتاح بطولة عالمية خارج مصر عام 93 فى دورة ألعاب البحر المتوسط بفرنسا بأغنية وسط الدايرة

- منير المطرب المصرى الوجيد اللى غنى من تراث أكثر من دولة عربية :
التراث التونسى ( تحت الياسمينة )
جزائرى ( حكمت الأقدار )
أردنى ( يا طير يا طاير )
نوبى ( الله لون , نعناع الجنينة , ويلى )
سودانى ( وسط الدايرة , مساكن شعبية )


- منير أول مطرب مصرى يغنى لفلسطين و الأتنفاضة أغنية القدس (ألبوم برئ عام 86 )

- منير أول مطرب مصرى يغنى للبنان و الشيدة سناء المحيدلى ( أغنية أتحدى لياليك بألبوم وسط الدايرة عام 87 )

- منير أكثر مطرب قدم أغانى لا تحتوى عاى قالب المقسوم ( اسمع أى ألبوم منذ عام 80 حتى عام 95 لأى مطرب و اسمع لمنير و سترى الفارق الرهيب و الكبير )

- منير أكثر مطرب استخدم أصوات الالكتريك جيتار و الكيببوردز ( أشكى لمين , الليلة يا سمرة , يا مراكبى , قلب الوطن مجروح , نلضم أسامينا , جننى طول البعاد , افتح قلبك ) هو أول من استخدم تلك الأصوات بأغانيه

- منير اول مطرب يقدم ألبوم دينى كامل به موسيقى فريدة و جديدة تجمع بين الموسيقى الصوفية و الرتم النوبى و البوب الغربى و هو ألبوم الأرض السلام بعام 2003

- منير أول مطرب يغير توزيعات و صولوهات و رتم أغانى الحفلات مثل( حتى حتى , على صوتك , شتا, الكون كله بيدور , أشكى لمين , نعناع الجنينة , عروسة النيل , يا أنا , مريلة كحلى . رزق على الله , شمندورة ) نسمع بها صولوهات غير موجودة بالكاسيت

- منير أول مطرب يغنى ساعتين أغانى وطنية تخصه فقط

- منير أول مطرب يقدم حفل أكوستك بأوبرا ألمانيا فى حفل سلام رمضان عام 2007 و أسمعنا رؤية مختلفة لأغانيه

- منير أكثر مطرب لا يستعين بأخر ألبوم له فى الحفلات , بل يعتمد على أغانى قديمة , و رغم ذلك تنجح الحفلة باقتدار

- منير أكثر مطرب يغير فى نمط أغانى حفلاته ( حوالى 45 أغنية منذ عام 2003 , و 90 % منها أغانى قديمة له لم تقدم من قبل بحقلات )

- منير أول من قدم أغانى الرموز بشكل تجارى ( شبابيك , الناس نامت )

- منير حائز على جائزة السلام عام 2003 عن أغنية مدد يا رسول الله بألبوم الأرض .. السلام

- منير الوحيد الذى قدم أغنية مثل علشان يشبهلك بألبوم موسيقى فيلم دنيا , الأغنية عبارة عن عزف بيانو خلف صوت منير بطول 6 دقائق



أتمنى لو حد عرف معلومة زيادة أو عند تعديل عندى يبلغنى ....

و أتنى يعجبكم و يكون مفيد سواء للأعضاء أو الزائرين