»●lıl عـاشــق مـصــرlıl●«


منتدبات عاشق مصر
 
الرئيسيةمكتبة الصورالتسجيلدخول
اهلا وسهلا بكم فى منتديات عاشق مصر000 يد بيد نحو المستقبل

شاطر | 
 

 الإعلان الديمقراطي لحكومة المحروسة‮:‬

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق مصر
المدير العام
المدير العام
avatar

ذكر
عدد الرسائل : 823
العمر : 65
الوظيفه :
المزاج :
نشاط العضو :
100 / 100100 / 100

رسائل قصيره : أهلا وسهلا بكم فى منتدانا الوليد شاركونا النجاح
نقاط التميز : 647
السٌّمعَة : 2
نقاط : 50
تاريخ التسجيل : 12/08/2008

مُساهمةموضوع: الإعلان الديمقراطي لحكومة المحروسة‮:‬   الأربعاء سبتمبر 10, 2008 3:34 pm

الإعلان الديمقراطي لحكومة المحروسة‮:‬
اختر لك موتة‮: ‬غرقا‮.. ‬أو حرقا‮.. ‬أو قهرا‮.. ‬وكل واحد وشوقه‮!!‬

الحكاية زاطت وهاصت‮.. ‬وكل حاجة دخلت في بعضها‮.. ‬والكل بيهلفط‮.. ‬ويصرخ‮.. ‬كتاب علي سياسيين علي صحفيين‮.. ‬علي نشطاء حقوقيين‮.. ‬ومنظمات مجتمع مدني‮.. ‬علي لجان من كل نوع‮.. ‬ولون‮.. ‬لدرجة ما بقيناش عارفين ده من ده‮.. ‬ولا قادرين نحدد صاحب المبدأ من اللي راكب الموجة‮.. ‬اللي ضحي ومستعد يضحي تاني وتالت عشان رأي‮.. ‬وواقف في وش المدفع‮.. ‬وبين اللي دفيان بالفلوس‮.. ‬وقاعد يكتب جوابات لأوباما كأنه رسول العناية الإلهية‮.. ‬واللي مستحمل وقاعد‮.. ‬وبين اللي خد ديله في سنانه وجري علي بوش‮.. ‬عشان يقول له العب بالمعونة‮.. ‬واللي ما يطاوعناش ما يلزمناش‮.. ‬واضغط تلاقي‮.. ‬كام واحد مرائي‮.. ‬واقفين ومصدرين‮.. ‬ودول رجالتك يا بوش‮.‬
بس اللي يجنن ان كلهم‮.. ‬ده وده‮.. ‬مافيش علي لسانهم إلا كلمة الديمقراطية‮.. ‬اللي طالع عليهم الديمقراطية‮.. ‬حكومتنا هي التانية قالت في عقل بالها الاليكتروني‮.. ‬ديمقراطية‮.. ‬ديمقراطية‮.. ‬هي يعني حكاية‮.. ‬نحط كلمة الديمقراطية جنب الاليكترونية‮..‬ويا دار ما دخلك شر‮.. ‬ولا قر‮.. ‬وتبقي الحكومة الاليكترونية الديمقراطية‮.. ‬اللي بتلعب بالماوس لعب‮.. ‬واللي عليها كل مسد كول‮.. ‬وكول‮.. ‬ما يخرش المية‮.. ‬وحلفت براس اللي خلفوها لتوريهم الديمقراطية علي أصولها‮.. ‬وتوريها لهم عملي‮.. ‬مش بالهلفطة والكلام الفاضي‮.. ‬وإذا كان كل بني آدم منهم ما شمش ريحة الديمقراطية قبل كده‮.. ‬ولا كان عنده أي فرصة ديمقراطية عشان يختار بدايته‮.. ‬أهله‮.. ‬واسمه‮.. ‬ومحل ميلاده‮.. ‬فالحكومة قررت منحه الديمقراطية عشان يحدد بيها نهايته‮.. ‬ويختار براحته‮.. ‬واللي ماطالوش في البداية‮.. ‬ح يشوفه في النهاية‮.. ‬وعملت إعلان ديمقراطي‮ ‬غير مسبوق‮.. ‬بتقدم فيه ‮٣ ‬خيارات للنهاية‮.. ‬وكل واحد يختار‮.. ‬من‮ ‬غير ما يحتار‮.. ‬وعلي راحت راحته‮.. ‬لا اجبار‮.. ‬ولا تدخل‮.. ‬ولا ضغط من أي نوع‮.. ‬الحرية مكفولة‮.. ‬والديمقراطية مية مية‮.. ‬وعلي عينك يا مواطن‮.. ‬وعشان تثبت حسن نيتها‮.. ‬عملت نماذج حية‮.. ‬معروضة‮.. ‬للزيارة والاطلاع‮.. ‬وبسيارات الحكومة عشان كل واحد يشوف‮.. ‬ويفاضل‮.. ‬ويقارن‮.. ‬ويختار النهاية اللي يحبها‮.. ‬منتهي الديمقراطية اللي ما حصلتش في الدنيا‮.. ‬وقدامك النماذج والخيارات‮.. ‬وعاين وقارن‮: ‬الغرق‮.. ‬واللا الحرق‮.. ‬واللا القهر‮.‬
الغرق‮: ‬قدامك ممدوح إسماعيل وعباراته‮.. ‬وعضوية مجلس الشوري‮ -‬قبل ما‮ ‬يتحرق‮- ‬بالتعيين‮.. ‬وفي‮ ‬إيده براءته‮.. ‬واللي‮ ‬مش عاجبه البحر الأحمر‮.. ‬عباراته ح تمشي‮ ‬في‮ ‬البحر الأبيض‮.. ‬وكل واحد وراحته‮.. ‬وشوقه‮.‬
الحرق‮: ‬فرص مالهاش حدود‮.. ‬إذا كنت بني آدم مثقف وبتحب الفن‮.. ‬عندك نموذج مسرح بني سويف‮.. ‬وإذا كنت‮ ‬غاوي سياسة‮.. ‬وعامل لي فيها فنط‮.. ‬قدامك مجلس الشوري واللي زيه‮.. ‬وإذا كنت بني آدم علي قد حالك‮.. ‬قدامك السكة الحديد‮.. ‬واللي قاعدين يعملوا شاي في القطر‮.. ‬زي ما قالت الحكومة‮.. ‬ومولعين بوابير الجاز‮.. ‬والحرايق علي ودنه‮.‬
أما إذا كنت عايز نهاية هادية ومريحة‮.. ‬وتروح بحالك ومحتالك‮. ‬لا حريقة تاكل نصك وتشوه معالمك‮.. ‬ولا قرش يلهف دراعك أو رجلك‮.. ‬فأنت ممن يفضلون القهر‮.. ‬تموت قهرا‮.. ‬والقهر يا مواطن مالوش حدود‮.. ‬ولا قيود‮.. ‬ولا سدود‮.. ‬وقدامك المثل والنموذج‮.. ‬إبراهيم نافع‮.. ‬وهلمة الأهرام‮.. ‬عضو برضه في مجلس الشوري بالتعيين‮.. ‬زي ممدوح اسماعين‮.. ‬ولا الضالين‮.. ‬آمين‮.. ‬وشوف إبراهيم نافع وعمايله‮.. ‬والبراءة هو التاني في ايده‮.. ‬مليارات إيه‮.. ‬وقصور إيه‮.. ‬وشركات إيه‮.. ‬وفيلات إيه‮.. ‬اللي في باريس‮.. ‬واللي في سويسرا‮.. ‬واللي في لندن‮.. ‬حتي البلاد العربية‮.. ‬وكله من‮ '‬فضل الله‮'.. ‬الأرض فدادين بالآلاف‮.. ‬الحسابات البنوك ضجت منها‮.. ‬وبكل العملات‮.. ‬قصوره اللي زادت وفاضت باع منها لملوك وأمراء وسلاطين‮.. ‬وح تقول لمين‮.. ‬الواحد كان يشوف القصر من دول يجيله دوار‮.. ‬ملوك وسلاطين وأمراء‮.. ‬ويدفع اللي نافع يقول عليه‮.. ‬أمال إيه؟‮.. ‬والحكاية لما تزيد‮.. ‬تفيض‮.. ‬وتحصل الأهل قريب وبعيد‮.. ‬والمستندات قالت دول‮ ‬غرقانين في الفلوس‮.. ‬بس‮ ‬غرق عن‮ ‬غرق يفرق‮.. ‬وبلاش فراغة عين‮.. ‬وتقول اغرق عند إبراهيم نافع‮.. ‬الغرق ده تبع ممدوح اسماعيل‮.. ‬إنما نافع‮.. ‬اللي نافع‮.. ‬ونافع‮.. ‬ما وراهوش إلا القهر‮.. ‬تخصص قهر‮.‬
واللي يشوف ان القهر مناسب‮.. ‬يحدد ويقول‮.. ‬والوصفة سهلة‮.. ‬يقرا اخبار ابراهيم نافع بس‮.. ‬ويسيب نفسه للقهر‮.. ‬والهم‮.. ‬والنكد الأزلي‮.. ‬يراجع ال‮٠٠٢١ ‬مستند اللي نشرتها‮ '‬الأسبوع‮' ‬علي مدي شهور وشهور‮.. ‬وبعدين قدموها للمسئولين‮.. ‬ماخلوش‮.. ‬حتي طوب الأرض‮.. ‬ومعاها كمان بلاغات ومستندات‮.. ‬ناس من الأهرام اللي كانوا شغالين معاه‮.. ‬اعضاء مجلس إدارة‮.. ‬ومدير عام الشئون القانونية‮.. ‬ومجلس الإدارة نفسه‮.. ‬الشئون القانونية لمؤسسة الأهرام قدمت ‮٢١ ‬بلاغا إلي قاضي التحقيق مليانة اتهامات موثقة‮.. ‬وثابتة‮.. ‬حتي المستشار جودت الملط رئيس الجهاز المركزي للمحاسبات قدم بلاغا ضد إبراهيم نافع وجماعته ومليان وقائع ومخالفات وتجاوزات‮.. ‬قدمها للنيابة‮.. ‬ولمجلس الشوري‮.. ‬وهو لسه سليم‮.‬
إذا كنت تحب الموت قهرا‮.. ‬راجع كل ده‮.. ‬ومعاه التحقيقات اللي استمرت سنتين‮.. ‬ورفع الحصانة عن إبراهيم نافع‮.. ‬واقرا الخبر اللي بيقول في النهاية‮ '‬تم حفظ التحقيقات مع إبراهيم عبدالفتاح نافع‮' ‬يعني لا محكمة‮. ‬ولا محاكمة ولا يحزنون‮.. ‬عشان المستندات المتلتلة دي كلها‮.. ‬والأرقام اللي فيها‮.. ‬والقصور والمليارات‮.. ‬طلعت تايواني‮.. ‬وكلام مرسل‮.. ‬يعني هلفطة‮.. ‬وهلضمة مالهاش أصل ولا فصل ولا اساس‮.. ‬وعيب ان كلام زي ده يعرض علي المحاكم‮.. ‬هيه فاضية للحاجات التافهة دي‮.. ‬اقرا كل ده‮.. ‬واتمعن فيه‮.. ‬وسيب نفسك‮.. ‬ح توصل للي انت عايزة‮.. ‬واللي اخترته بمنتهي الديمقراطية‮.. ‬وربنا يرحمك‮.. ‬ويرحمنا‮.‬
أما إذا كنت بتحب المفاجآت‮.. ‬وعايز النهاية تكون مفاجئة‮.. ‬يعني هب‮.. ‬اللي يرحمه‮.. ‬ويجعل قراره الجنة‮.. ‬ده ما استحملش‮.. ‬فتح الجرنان‮.. ‬بص فيه وهي البصة‮.. ‬طب ساكت‮.. ‬إذا كنت تحب النهايات اللي من النوع ده‮.. ‬فلازم تقرا اللي كتبوه عن الأستاذ هيكل مؤسس الأهرام الحديث‮.. ‬وعن إبراهيم نافع اللي جه بعد ما الدنيا بقت‮ ‬غير الدنيا‮.. ‬وقارن بين مرتب هيكل بجلالة قدره واللي ما كانش بيزيد علي ‮٥ ‬الاف جنيه في السنة‮.. ‬في إيه؟ في السنة‮.. ‬مرتب وعلاوات ومكافآت‮.. ‬وتقرا‮: ‬أن إبراهيم نافع كان بياخد في الشهر‮.. ‬في إيه؟ في الشهر ‮٣ ‬ملايين جنيه‮.. ‬وساعتها ح تطب ساكت‮.. ‬وكل شيء يروح لحاله‮.. ‬وألف رحمة ونور عليه‮.. ‬كان حسيس‮.. ‬ودمه حامي‮.. ‬ومايعجبوش الحال المايل‮.. ‬اللي عمال يميل يميل لحد ما ح نلاقيه ممدد علي الأرض‮.. ‬جثة‮.‬
أما بقي‮.. ‬إذا كنت جبلة‮.. ‬ومقاوح‮.. ‬وغاوي مرازية وملابطة ومن بتوع الديمقراطية‮.. ‬والكلام المرسل‮.. ‬ومافيش حاجة عجباك‮.. ‬لا ده ولا ده‮.. ‬ومش لادد عليك الديمقراطية بتاعة حكومة المحروسة‮.. ‬فذنبك علي جنبك‮.. ‬وانت عارف نفسك كويس‮.. ‬ولونك واضح زي الشمس‮.. ‬وعيون حكومتنا تطلعك من وسط الملايين‮.. ‬اكتب واخطب وانشر‮.. ‬وح تفضل تهاتي وتهلفط‮.. ‬وآخرتك سودة‮.. ‬وابقي قابلني لو طلت نهاية من اللي معروض عليك بكل حرية وديمقراطية‮.. ‬وآخرتها‮.. ‬نهايتك ح تكون في تخشيبة متر في متر‮.. ‬أو حجز معفن‮.. ‬بسبب هبوط حاد في الدورة الدموية‮.. ‬من إيه؟ الله اعلم‮.. ‬أو تمر بحالة اكتئاب فظيعة وتشنق نفسك برباط الجزمة لا مؤاخذة‮.. ‬حتي لو كنت لابس جزمة من‮ ‬غير رباط‮.. ‬أو حتي حافي م الأصل‮.. ‬ولا عمرك لبست مداس‮.. ‬والناس مداسات‮.‬

_________________





















[img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://egyashek.roo7.biz
 
الإعلان الديمقراطي لحكومة المحروسة‮:‬
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
»●lıl عـاشــق مـصــرlıl●«  :: مـصــر أم الـدنــيـــــا :: المنتدى العام-
انتقل الى: